Tres vitorias e tres derrotas é o balance do fin de semana para os diferentes equipos do Emevé nas ligas galegas de voleibol de base. Especialmente destacado foi o pleno dos equipos xuvenís do club lucense, aos que se uniu o triunfo do conxunto cadete feminino. Perderon os seus encontros os equipos infantís e o cadete masculino.
A xornada comezou cunha gran vitoria do Emevé xuvenil masculino sobre o Jealsa Boiro por 3-2, con parciais de 26-24, 21-25, 21-25, 25-14 e 15-9. O encontro, como indican os parciais, foi disputadísimo e as distancias no marcador sempre mínimas.