O lucense Tito Díaz non seguirá como adestrador do Básquet Coruña

O Leyma Básquet Coruña anunciou este xoves a súa decisión de non renovar ao lucense Tito Díaz como adestrador do primeiro equipo tras finalizar a súa relación contractual o pasado mes de maio.

Nun comunicado, o conxunto da LEB Ouro "considera que finalizou un ciclo de catro anos moi satisfactorio para ambas as partes, polo que quere mostrar o seu agradecemento ao técnico pola súa intensa dedicación".

O club recoñece que con Tito Díaz "logrou crecer e consolidarse na segunda categoría do baloncesto nacional, disputando en tres ocasións (nas dúas últimas tempadas de modo consecutivo) os playoff de ascenso" á Liga Endesa. O Básquet Coruña apunta que está "a traballar actualmente na configuración do equipo para a próxima campaña".