Martes. 18.09.2018 |
El tiempo
Martes. 18.09.2018
El tiempo

Stupaczuk e Cristian Gutiérrez remontan no Lugo Open

Un participante en el Lugo Open. XESÚS PONTE
Un participante en el Lugo Open. XESÚS PONTE

Este xoves debutarán no torneo o brasileiro Pablo Lima, número un do mundo, e o seu compatriota Marcello Jardim ante Lucas Bergamini e Lucas Campagnolo

Os arxentinos Cristian Gutiérrez e Franco Stupaczuk necesitaron tres sets para levantar o partido de dezaseisavos de final do Open de Lugo, décimo torneo da tempada, ante Víctor Ruiz e José Rico, números 30 e 45 do ranking de World Pádel Tour.

Os sétimos do circuíto perderon o primeiro set (6-3), pero levantaron despois o partido (2-6 e 4-6) na pista central do Pazo dos Deportes de Lugo.

En oitavos de final atoparanse con Pedro Alonso Martínez e Matías Nicoletti, que tamén necesitaron tres mangas para reporse da súa derrota no primeiro parcial ante Gonzalo Díaz e Germán Tamame (6-7, 6-4, 6-4)

Este xoves debutarán no torneo o brasileiro Pablo Lima, número un do mundo, e o seu compatriota Marcello Jardim ante Lucas Bergamini e Lucas Campagnolo, que en dezaseisavos apearon en tres sets a Francisco Gomes e Federico Quiles (6-1, 6-7 e 6-4).

Miguel Lamperti e Juan Mieres, que superaron a Javier González Barahona e Juan Manuel Restivo (6-3 e 6-4), enfrontaranse a Rafael Méndez e Diego Ramos, vencedores do duelo con Ignacio Gadea e Aday Santana (5-7, 6-2 e 6-3).

En oitavos non estarán Agustín Silingo e Alejandro Ruiz, que perderon ante Javier Ruiz e Uri Botello (7-5, 5-7 e 6-1), e mediranse a Ramiro Moyano e Luciano Capra, que deixaron na cuneta a Adrián Allemandi e Javier Garrido (6-3 e 6-2).

Outras parellas que seguen en competición son as formadas por Álvaro Cepero e Sebastián Nerone así como Fernando Poggi e Federico Chingotto.

Ademais de Lima e Jardim, debutarán en oitavos Maxi Sánchez e Carlos Gutiérrez; Mati Díaz e Alejandro Galán; e Juan Martín Díaz e Paquito Navarro; todos eles exentos da primeira eliminatoria.

No cadro feminino, a lucense Vanesa Alonso non puido lograr o pase a oitavos ao caer xunto á súa compañeira, a tamén galega Isabel Domínguez, ante Ana Fernández de Ossó e María Virginia Raíña (6-0 e 6-2), quen se citarán agora con Marta Ortega e Ariana Sánchez, exentos da primeira rolda.

Tampouco participaron en dezaseisavos Marta Marrero e Alejandra Salazar, que se estrearán en Lugo ante Nelida Brito e Aranzazu Osoro, quen eliminaron en dous sets a Verónica Virseda e Clara Teresa Siverio (6-2 e 6-1).

As número un, as xemelgas Sánchez Alayeto, debutarán ante Lorena Alonso e Maite Gabarrus, mentres que Patricia Llaguno e Eli Amatriaín necesitaron tres sets para desfacerse de Delfina Brea e Ana Catarina Nogueira (6-3, 5-7 e 6-4) e mediranse en oitavos a Elena Ramírez e Sara Ruiz, que superaron a Meli García e Sofía Araújo (6-3, 4-6 e 6-3).

Stupaczuk e Cristian Gutiérrez remontan no Lugo Open
Comentarios