El Progreso e o Breogán: sintonía, vínculo e proximidade

O Progreso e o Breogán renovaron este venres o convenio de colaboración entre dúas das institucións máis inequivocamente lucenses. "El Progreso é defensor de Lugo. E El Progreso e o Breogán teñen un vínculo enorme desde hai moito tempo", dixo a presidenta de El Progreso, Blanca García Montenegro, no momento de asinar o acordo co presidente do Breogán, José Antonio Caneda.

"Como lucense e como afeccionado ao baloncesto e ao Breogán, é un orgullo asinar este convenio con El Progreso. É un compromiso para nós. Cónstame que El Progreso estivo sempre vinculado e apoiando ao Breogán. Podedes recordar que a presidenta de El Progreso e eu estivemos en moitos consellos de administración do Breogán, algúns con certos problemas", comentou Caneda nun acto no que tamén estivo o director xeral da entidade deportiva, Tito Díaz.

LUGO. El Progreso e Breogán son tres marcas que indubidablemente parten do mesma orixe: as xentes da cidade das murallas. Ningunha das tres pódese separar xa. Forman parte do ADN de calquera lucense. Nacer, vivir ou ser de Lugo, ler El Progreso e viaxar ao Pazo para ao Breogán son cousas habituais para numerosos cidadáns lucenses.

"O Breogán é nada menos que o noso equipo, é o equipo de todos desde hai moitas décadas. Tres ou catro xeracións vivimos o Breogán a lume de biqueira. É o club deportivo de Lugo con máis seguidores seguramente e, ademais, alegrámonos coas súas vitorias como o que máis", dixo a presidenta de El Progreso.

José Antonio Caneda falou, ao ser preguntado, pola situación de certidumbre do momento, especialmente con clave breoganista. "Nunha situación actual, como presidente do Breogán, non sabes por onde van saír as cousas", recoñeceu o presidente do equipo celeste.