Fernando Seoane, un dos capitáns do CD Lugo, asegurou este venres que as concentracións que se prevén antes de que se renove LaLiga "non teñen sentido" e explicou que, cando regrese a competición, "vai primar", sobre as cuestións técnico-tácticas, "o estado físico" dos xogadores e ter "recambios" no persoal.
O xogador santiagués indicou, a preguntas dos xornalistas que lle trasladou o club, que os adestramentos agora "parécense un pouco máis ás rutinas diarias" que había antes, aínda que, ao exercitarse en grupos, son "poucos para facer tarefas máis grandes".
Seoane afirmou que seguen "botando de menos estar todos xuntos" e expresou a súa discrepancia con respecto á posibilidade de que haxa unha concentración previa a LaLiga.
"Non ten ningún sentido meterche nun hotel porque onde máis seguro vas estar é en casa e a maioría dos compañeiros veo así", declarou o centrocampista.
Ademais, avogou por adaptarse ao fútbol sen afeccionados na bancada, aínda que así "perde chicha".
O veterano futbolista asegurou que "cada día" o equipo lucense vai a "bo ritmo"
Seoane sinalou que no final exprés de tempada que espera aos equipos "a priori vai primar o estado físico porque hai partidos cada tres
"Se tes un persoal que está ben a nivel físico e con recambios, valo a poder afrontar con garantías; se non, vai ser complicado", sostivo.
Tamén recoñeceu que ao Lugo prexudicoulle o parón" pola Covid-19 porque estaba "en boa dinámica e ía a máis", e agora, en cambio, todos partirán "de cero e é unha incógnita".
Logo de ser titular habitual no Lugo desde que regresou ao equipo en 2012, perdeu" protagonismo co seu actual adestrador, Curro Torres.
"Teño claro que hai que seguir adestrando porque o técnico pode decidir outra cousa e hai que aproveitar a oportunidade. Estou amolado porque a todo o mundo gústalle xogar, pero hai que seguir traballando ata que chegue a oportunidade", advertiu.