Sebas Moyano, entre tres e cinco meses de baixa

O xogador presenta "unha fractura de impactación subcondral en xeonllo esquerdo" e perderase os primeiros meses de competición

Sebas Moyano. AEP
photo_camera Sebas Moyano. VICTORIA RODRÍGUEZ

Os xogadores do Lugo Iriome González, Sebas Moyano e Pedro López atópanse de baixa por lesión e recuperándose das súas respectivas molestias, que no caso do segundo deles alargarase entre tres e cinco meses.

Sebas Moyano presenta "unha fractura de impactación subcondral en xeonllo esquerdo" e perderase os primeiros meses de competición.

Iriome, segundo explicou o Lugo nun parte médico, "vén presentando unha serie de molestias na zona de musculatura isquiotibial dereita".

O tinerfeño "atópase traballando co equipo de fisioterapia e readaptación do club" e estímase que ao longo das próximas semanas poderá reincorporarse ao grupo, sempre segundo evolución".

Pola súa banda, Pedro López continúa coa súa recuperación postquirúrgica tras unha lesión de cadeira, con tratamento médico e de fisioterapia e comezou o proceso de readaptación.

Comentarios