O PILOTO AUTOMÁTICO leva un bo tempo posto en Sarriana. O piloto automático das vitorias e a solvencia dun equipo que chama á porta da batalla polo ascenso a Terceira División. Quizais parecía unha temeridade dicilo nun club que o ano pasado estaba en Primeira Autonómica. Non o é agora, logo de 14 xornadas nas que ocupou sempre un lugar privilexiado.
Este domingo tocaba visitar a un Dubra situado na parte alta. Un duelo perigoso a domicilio e resolto grazas a un tanto de Rubén Díaz precedido dun erro de comunicación entre o asistente e o árbitro. Mentres o xuíz de liña sinalara fóra de xogo no pase de Mauro a Rubén, o árbitro deixou seguir a acción que acabou co 0-1 no minuto 36.
Alberto López, técnico da Sarriana: A táctica, a actitude defensiva e a gran actuación de Javi López foron claves
Aguantou o resultado no segundo tempo e incluso, grazas aos seus contras, ampliar a distancia, pero o 0-1 valeulle para sumar un triunfo e seguir segundo, con 35 puntos, a 4 do líder As Pontes.
MACHADA DO VIVEIRO. O Viveiro crece na táboa a base de heroicidades como a deste domingo. O conxunto celeste superou ao Noia, terceiro da clasificación, cun xogo ambicioso e efectivo que lle deu un triunfo de prestixio por 2-4.
Os mariñáns cimentaron o seu triunfo nunha primeira metade na que chegaron ao descanso con 1-3 nun exercicio de pegada. A defensa soubo suxeitar o xogo directo do Noia na segunda parte e incluso o Viveiro logrou o 1-4 no tramo final antes de que os do Barbanza fixesen o 2-4 definitivo. Este marcador permite ao Viveiro alcanzar os 26 puntos para ser quinto.
DERROTA NA MARIÑA. O Ribadeo caeu no Pepe Barrera nun duelo de candidatos ao ascenso ante o Arzúa. Fíxoo tras adiantarse no marcador e ver como o seu rival remontaba ao cadro mariñán, que baixa ao sexto lugar igualado co Viveiro.
Foi un castigo duro para os ribadenses, que encaixaron dous tantos en dúas xogada illadas e incluso, no tramo final, co equipo lanzado cara ao empate, puideron sufrir máis.
Pero non parecía que o Ribadeo fóra a perder cando Fernando cabeceaba un córner ao fondo da rede aos 17 minutos. Con todo, no segundo acto, en apenas sete minutos, o Arzúa deulle a volta ao tenteador, o que obrigou ao Ribadeo a apostar por unha defensa de tres. Adrián e Mauro puideron empatar, pero os mariñáns cedieronlos puntos.
O Castro e o As Pontes ofreceron un espectáculo de 7 goles no campo Arturo
MOITO LÍDER EN CASTRO. Non houbo ningunha opción para o Castro ante o líder, un As Pontes demasiado superior tanto física como tecnicamente. O 1-6 reflectiu a distancia na táboa, entre un equipo confeccionado para o ascenso e o pechacancelas, que o seguirá sendo unha xornada máis.
Aos 23 minutos o cadro chairego perdía 0-3. Sufría ante un rival que superaba sen problemas a defensa de cinco local. Aarón, cun disparo que se ía fóra nun man a man, provocou o tanto en propia meta pontés no 1-3. Pero foi un espellismo. Os visitantes reaccionaron con virulencia, deron unha zancada cara a adiante e os goles e as ocasións foron caendo un tras outro ata o 1-6 final nun partido sen historia.
DESASTRE DO FOZ. O Foz non puido competir ante o Sofán, co que caeu derrotado por 5-0 e segue nos postos perigosos.
Esta información foi elaborada coa colaboración de José Ángel Díaz, Caridad e a ADG.
2- Arzúa: Tasende, Juanjo, Carril, Rúa, García, Iker (Álvaro, m. 93), Manu (Vilela, m. 62), Diego Enjamio, Adrián (Roberto, m.91), David e Suso.
Goles: 1-0, m. 17: Fernando. 1-1, m. 51: Juanjo. 1-2, m. 58: Adrián.
6- As Pontes: Pelayo, Pablo Ramos, Cabarcos (Traba, m. 60), Rego, Alejandro Sánchez (Sergio Criado, m. 60), Dani Fernández, Antonio Rodríguez, Pena, Quique (Sergio, m. 78), Navarro e Carlos López (Manuel, m. 78).
Goles: 0-1, m. 10: Brais (p. m.). 0-2, m. 14: Carlos López. 0-3, m. 23: Navarro. 1-3, m. 55: Ramos (p. m.). 1-4, m. 65: Quique. 1-5, m. 83: Manuel. 1-6, m. 89: Dani Fernández.
1- Sarriana: Javi; Luisma, Zanon (Barrio, m. 85), Edgar, Chavea; Joao (Juanjo, m. 90); Rubén Díaz (Josito, m. 81), Diego Núñez, Marzán, Quiroguita; e Mauro (Manu, m. 85).
Gol: 0-1, m. 36: Rubén Díaz.
4- Viveiro: Kiko; Agus, Roi, Uriol Díaz, Aitor; Iván (Pablo Louzao, m. 89), Xaime; Arturo (Álex Paz, m. 51), Vicente, Rolle (Yoel, m. 60); e Álex Meitín (Xesús, m. 89).
Goles: 0-1, m. 12: Meitín. 1-1, m. 13: Adrián. 1-2, m. 23: Uriol. 1-3, m. 29: Roi. 1-4, m. 86: Iván. 2-4, m. 92: Nando.
0- Foz: Bruzos; Carreiras (Sergio, m. 71), Chinchón, Chao, Jesús Pablo; Cayón, Cristian (Eijo, m. 69), Gonzalo, Pablo Costa (Jorge, m. 64); Asier (Xenxo, m. 46) e Canario.
Goles: 1-0, m. 51: Pablo. 2-0, m. 58: Fabián. 3-0, m. 69: Alexandre. 4-0, m. 88: Quintela. 5-0, m. 90: Quintela.