O Club Deportivo Lugo podería acabar en mans de strong <>capital mexicano. Segundo unha información publicada pola Radio Galega, o presidente e máximo accionista do club, Tino Saqués, estaría moi próximo a chegar a un acordo cun grupo do país norteamericano por un montante total de 12 millóns de euros. A venda podería pecharse o próximo mes de xaneiro de 2020.
Os rumores de venda do club foron frecuentes e esta mesma semana especulábase con que un grupo asturiano podería presentar unha oferta pola entidade albivermella. Con todo, segundo esta información da canle pública de radio, a venda dáse por feita e o Lugo pasaría así a mans dun grupo investidor de México.
A noticia produciuse no medio do partido que disputan este domingo o Lugo e o Raio Vallecano, e a posible venda do club expandiuse rapidamente polas bancadas do Ángel Carro, converténdose en Trending Topic no estadio lucense.