O Leche Río Breogán non contará finalmente co pivot croata Aleksandar 'Sandi' Marcius para a próxima tempada na Leb Ouro, ao non superar as probas médicas ás que foi sometido. O club xa llo comunicou ao xogador, que "precisará dun período de recuperación para volver ao traballo", e avanzou que "busca substituto para Marcius".
Novas na plantilla: O club busca sustituto para Marcius https://t.co/9615GBupG9 pic.twitter.com/xSlXrPoAuC
— Leche Río Breogán (@CBBreogan) August 21, 2019
O Leche Río Breogán, que anunciou a fichaxe do pívot procedente do Real Betis en xullo, detalla que os servizos médicos comunicaron que o xogador "non se atopa en condicións de iniciar o traballo co resto do grupo debido a un problema na súa perna dereita", que non é a intervida na pasada campaña.
"Estímase que a súa recuperación suporá un período de entre dous e tres meses, polo que o club lle comunicou que non conta cos seus servizos", explica.
O Breogán ofreceu os seus servizos médicos ao xogador e este aceptou, polo que seguirá en Lugo durante este período traballando na súa recuperación.
