2-2. O Ribadeo iguala con dez en Castro

O CASTRO e o Ribadeo empataron a dous goles nun derbi con tres penaltis que se viu marcado pola expulsión do central ribadense Mario Lorido, aos dous minutos de xogo, por derrubar a Javi Fraga dentro da área. Hugo Buide errou a pena máxima.

O Ribadeo adiantouse por medio de Mauro Poratti, cun disparo desde fóra da área. Hugo Buide asinou as táboas cun remate ao pau longo que superou ao porteiro. Poratti converteuse de novo en protagonista do choque ao fallar unha pena máxima. Josema adiviñoulle a intención e detivo o esférico. Estivo máis acertado o seu compañeiro Fer, que transformou outro penalti para facer o 1-2. O empate tamén chegou desde os once metros, por medio de Dumi, tras unha falta a Navia.

O Castro estivo a piques de conseguir a primeira vitoria da tempada, pero non aproveitou as súas ocasións. Viuski desbaratou un remate de Hugo Buide e Navia disparou fóra nunha inmellorable posición.

Brais Prados, técnico do Castro: Non fumos capaces de rendibilizar a superioridade numérica durante todo ou partido

O Foz non pasou do empate ante o Arzúa nun partido moi competido. Os focenses adiantáronse cun temperán gol de Gonzalo Fraga. Os branquivermellos foron superiores ao seu rival na primeira metade, cunha boa saída de balón. Íker empatou o choque para os visitantes nos primeiros compases da continuación, na que o Foz xogou máis replegado para saír á contra. David Rodríguez fixo o 2-1, o que obrigou a Baleato, técnico visitante, a introducir dous dianteiros de refresco, Manu Casal e Damián, para acompañar ao bigoleador Íker. Este último aproveitou un erro posicional da defensa focense para igualar a contenda a falta de trece minutos.

MONTAÑEROS-SARRIANA. A Sarriana controlou o partido durante 85 minutos no campo dos Montañeros, pero desperdiciou un 0-2 a favor ao encaixar dous tantos no desconto. Un gol de Omar e outro en propia meta do porteiro local Moncho inclinaron a balanza ao favor de cadro de Alberto López. As tornas cambiaron a partir do minuto 79, cando o árbitro pitou penalti tras unha saída a destempo da meta Javi López, que derrubou a un rival. O colexiado interpretou que se trataba dunha agresión e mostroulle a vermella directa á meta. O suplente Ayaub detivo a pena máxima.

5 foron os penaltis sinalados este domingo a equipos lucenses: dous ao Ribadeo, dous á Sarriana e un ao Castro

Os Montañeros apertou con centros laterais no tramo final. Un deles foi aproveitado por Javi Suso para facer o 1-2. Outro terminou cunhas mans de Luisma e o consecuente penalti, que Javi Suso aproveitou para empatar.

Un solitario gol de Tichu deulle os tres puntos ao Viveiro ante o Negreira (0-1), o que significou o terceiro triunfo consecutivo do equipo celeste. Tras recibir un pase de Xaime, Álex Meitín plantouse só ante José, picoulle a pelota a porta baleira e Juan Diego salvou o 0-1 sobre a liña de gol. Un pase atrás de Uxío controlouno Vía disposto a rematar desde o punto de penalti, pero Kiko arrebatoulle o coiro dos pés. Uriol Díaz obrigou a José a facer unha gran parada tras un córner botado por Xaime.

O Viveiro ofreceu unha mellor posta de escena do Viveiro no comezo da segunda parte. Álex Meitín foise do seu par e habilitou polo costado esquerdo a Tichu e o mediapunta perfilouse para disparar coa zurda e bater ao porteiro. Un cabezazo de Uriol atallouno a meta cando se coaba pola cruceta. A única ocasión do Negreira foi un remate de Pereira desde o frontal que saíu alto.

Información feita en colaboración con J.A. Díaz e a ADG.