Resistir á incerteza dun futuro non asegurado en branquivermello. Traballar duro para convencer ao adestrador e ao club e gañarse un contrato non asegurado. A vida do xogador a proba sempre é dura. Tamén o é para o canario Alberto Rodríguez, quen intentará convencer ao adestrador, Rubén Albés, ao director deportivo, Mauro Pérez, e ao presidente do Lugo, Tino Saqués, de que ten un oco no persoal para a próxima tempada.
O defensa central ex
O último en estar a proba e continuar no equipo foi José Ángel Carrillo
Outro futbolista que non comezou a súa andaina no club con contrato foi Lolo Pavón. O andaluz chegou no verán de 2012 e convenceu a Quique Setién para ser clave na zaga do cántabro durante tres tempadas.
O último en estar a proba e continuar no equipo foi José Ángel Carrillo
Tamén brillou como branquivermello o compostelán Iván Pérez, quen traballou duro durante o outono de 2012 para gañarse un posto no equipo de Setién en decembro e seguir ata 2014.
Entre os xogadores que non tiveron tanta fortuna e acabaron pronto a súa relación gañada sobre o verde están o canario Guayre, o boliviano Samuel Galindo e o kosovar Endrit Krasniqi.
O primeiro intentou recuperar a súa carreira en xaneiro de 2013, logrou ter ficha no mercado invernal dese ano, pero acabou retirándose en marzo polos seus problemas de nocello. Galindo estivo a proba tras chegar desde as categorías inferiores do Arsenal e convenceu a Setién na 2012-2013. A súa bagaxe foi de sete partidos -ningún como titular- para saír en xaneiro de 2013. Endrit aterrou en Lugo co sobrenome do Messi dos Balcáns, pero nunca chegou a xogar co Lugo en Segunda División a pesar de estar co primeiro equipo.
Outros xogadores que estiveron a proba e non lograron convencer ao adestrador nin ao club foron o marroquí Adil Soudassi (verán de 2013), o dianteiro Rubén Rivera (xaneiro de 2014) ou o ucraíno Oleksander Avramenko (verán de 2020).
