sábado. 07.12.2019 |
El tiempo
sábado. 07.12.2019
El tiempo

Presentación de altura para o Pescados Rubén FS

Everton (dereita), unha das novas caras burelistas, a piques de realizar un pase no duelo ante o Movistar Inter. SANDRA SANTIAGO
Everton (dereita), unha das novas caras burelistas, a piques de realizar un pase no duelo ante o Movistar Inter. SANDRA SANTIAGO
O Pescados Rubén FS abre na noite deste venres o torneo Burela Bonita recibindo ao Palma, un dos mellores equipos de Primeira

O Pescados Rubén Burela FS ponse de longo na noite deste venres ante o seu público enfrontándose ao Palma Futsal (Vista Alegre, 20.30 horas), no que será o primeiro partido dun torneo Burela Bonita no que tamén participa O Parrulo Ferrol FS e que se disputará ata o domingo.

Os pupilos de Juanma Marrube, tras perder pola mínima ante o Inter Movistar (1-0) na cidade toledana de Illescas, mediranse este fin de semana a dous equipos cos que tamén se verán as caras no seu regreso a Primeira.

O abono do torneo custa 10 euros, as entradas diarias 5 e os menores pasarán gratis

O primeiro deles será un Palma Futsal que volve partir como un dos grandes animadores da próxima tempada. O conxunto mallorquino atópase desde o mércores en terras galegos, cando se enfrontou e venceu ao Noia (2-3) no terceiro Trofeo Portus Apostoli. Os de Vadillo derrotaron ao conxunto de Segunda División coruñés cun tanto de Hamza e dúas de Mati Rosa. O tanto definitivo dos palmeños marcouno o bonaerense a tan só 50 segundos do final, cos noieses buscando o tanto da vitoria co porteiro-xogador en pista.

Para o duelo de hoxe causa baixa o burelista Pitero e tamén é dubidoso o concurso do insular Ximbinha, que o mércores non xogou en Noia por unha contusión.

XUVENÍS

Paralelo ao torneo sénior dispútase o xuvenil, que medirá aos mesmos equipos desde as 17.30 horas en Vista Alegre.

O conxunto feminino enfróntase esta tarde ao Bilbo  en Villaviciosa
O conxunto feminino do Pescados Rubén Burela volverá disputar entre hoxe e mañá un triangular esixente logo de imporse días atrás no disputado en Marín. Na cita pontevedresa, o conxunto burelista igualou co Ourense Envialia (1-1), ao que venceu na quenda de penaltis, e derrotou ao O Fisgón (0-3). As de Xullo Delgado desprázanse hoxe á localidade asturiana de Villaviciosa para loitar polo Memorial José Horta e Pablo Cortina, que se resolverá mañá. As mariñás abrirán o torneo enfrontándose ás 19.30 horas ao Bilbo FS, un conxunto que esta campaña coincidirá coas laranxas tras lograr o ascenso o pasado mes de xuño.

CLÍNIC LARANXA
Mañá resolverase o triangular, aínda que previamente, desde as 11.00 horas, as futbolistas burelistas participarán nun clínic dirixido ás categorías inferiores do Rodiles FS, a entidade que organiza o triangular e que mantén un convenio de colaboración co Pescados Rubén Burela FS. ás 12.00 horas disputarase no pavillón de Villaviciosa o segundo duelo do triangular, entre o Rodiles e o Bilbo, quedando para a tarde (18.30 horas) o choque definitivo, que medirá ás da Mariña co cadro astur, que este ano competirá no grupo primeiro de Segunda.

Presentación de altura para o Pescados Rubén FS
Comentarios