Jorge Prado logra o seu sétimo gran premio da tempada, o sexto consecutivo, ao imporse tamén na segunda manga disputada no circuíto de Orlyonok, en Rusia.
O lucense aumenta así ata os 20 puntos a vantaxe que o separa de Olsen no xeneral, mentres que terceiro é Geerts, a 90 puntos de Prado.
O piloto do Red Bull KTM Factory Racing sumou un novo Holeshot na segunda manga, o décimo da tempada, e os seus rivais non puideron seguir o seu ritmo, entrando en meta a máis de catro segundos do danés.
A segunda manga finalizou coas mesmas posicións en que os pilotos subiron ao podium, Prado primeiro, Olsen segundo e Geerts terceiro, as mesmas ademais que ocupan no xeneral do Mundial.
Cervellin, Vialle e Watson ocuparon a cuarta, quinta e sexta praza, respectivamente.
A próxima cita do Mundial disputarase o próximo 16 de xuño en Latvia.