Jorge Prado logrou a vitoria na manga clasificatoria do Gran Premio de Francia disputado este sábado pola tarde no circuíto francés de Saint Jean d'Angely na categoría de MX2.
Prado logrou o Holeshot e liderou a carreira en solitario, seguido de cerca polo belga Jago Geerts, que cruzou a meta en segunda posición a algo máis de tres segundos do lucense.
A terceira posición foi para Henry Jacobi, a quen seguiron Evans, o francés Tom Vialle e Olsen, segundo clasificado na xeral a tres puntos de Prado, na sexta praza.