Jorge Prado impúxose con claridade na manga clasificatoria disputada este sábado no circuíto de Kegums, no Gran Premio de Latvia.
A segunda praza foi para o danés Thomas Kjer Olsen, que entrou en meta a algo máis de seis segundos do lucense.
A terceira praza ocupouna Ben Watson, a quen seguiron Jacobi e Boisrame.
Esta é a quinta clasificatoria que gaña o piloto do Red Bull KTM Factory Racing, quen venceu nos sete grandes premios que disputou esta tempada.
Prado intentará este domingo sumar unha nova vitoria nas dúas mangas de carreira, o que lle permitiría acrecentar a vantaxe de 20 puntos que o distancia de Olsen na cladificación xeral do Mundial.
