miércoles. 08.04.2020 |
El tiempo
miércoles. 08.04.2020
El tiempo

Pola defensa de 40 minutos

Sergi Quintela conduce un ataque do Breogán ante Issa Thiam, do Alacante. SEBAS SENANDE
Sergi Quintela conduce un ataque do Breogán ante Issa Thiam, do Alacante. SEBAS SENANDE
Sergi Quintela considera que o Leite Río Breogán será unha escuadra difícil de bater se asina partidos completos atrás

Se o baloncesto fose só estatística a actuación de Sergi Quintela ante o AlacanteA implicación, a intensidade e a actividade defensiva, a competitividade, son aspectos fundamentais nos que tamén brillou o xogador lucense e que dan valor á súa actuación.

"É certo que ao acabar o partido estaba moi contento, sobre todo porque aínda que Justin Pitts nos meteu 30 puntos penso que fixemos unha boa defensa sobre el. Ao final tivo que facer 25 lanzamentos a canastra. Estivemos ben en defensa e tamén sobre a base do Alacante", comenta o escolta lucense.

E é que a defensa non é un factor máis do xogo Quintela. Para el é a base do éxito: "dise que nos falta continuidade e está claro que temos que seguir traballando para non ter esas fochancas. Hai momentos nos que enlazamos moi bos minutos, sobre todo atrás. Temos que conseguir estar os corenta minutos a ese nivel en defensa porque cando o facemos atopámonos moito máis cómodos en ataque".

"Vai ser un partido moi rápido, con moitas transicións. A eles gústalles xogar consumindo poucos segundos de cada posesión"

Tras estas palabras non hai dúbida por onde pasa a clave para que o Leite Río Breogán poida conseguir o vindeiro venres (20.45 horas) no Polideportivo Pisuerga ante o Carramimbre Valladolid a cuarta vitoria da tempada. "Non hai dúbida, a clave vai estar na defensa. Se non estamos ben atrás temos dúbidas en ataque, polo tanto é fundamental que nos impoñamos en intensidade e en físico", di o xogador breoganista.

O conxunto valisoletano mostra, logo de catro xornadas, o mesmo bagaxe que o Leite Río Breogán: tres triunfos e unha derrota. Esta última, sufrida o pasado domingo na cancha do Mallorca e logo dunha prórroga. Para Quintela o Valladolid é un equipo a ter en consideración. "Só perderon en Mallorca", di. "Están a facer un baloncesto moi dinámico, corren moito, sempre que poden pon un ritmo moi alto. Por iso penso que se queremos levarnos a vitoria temos que, polo menos, igualar o seu nivel de intensidade", engade.

Polo tanto, segundo as palabras do xogador celeste non cabe esperar outra cousa que non sexa un partido cun alto ritmo. "Vai ser un partido moi rápido, con moitas transicións. A eles gústalles xogar consumindo poucos segundos de cada posesión e nós tampouco temos problemas para xogar rápido e tamén temos xogadores con moi boa man. Insisto que para nós é importante que esteamos ben en defensa", sinala.

A visita ao Valladolid, di Quintela, "é unha oportunidade de demostrar o potencial do noso equipo e esquecer o mal encontro que xogamos en Palencia".

Pola defensa de 40 minutos
Comentarios