O polvorín deulle a volta ao partido ante o Viveiro grazas a un gran segundo tempo e aos goles de Parga, Jorge e Álex Rey.
O filial do Lugo dominou no primeiro tempo pero foi o Viveiro quen logrou materializar as súas ocasións. Sergio Otero culminou un bo centro de Barroso desde a banda esquerda para facer o 1-0 á media hora de xogo.
A pesar das chegadas do Polvorín, o equipo de Trashorras tivo que esperar ao segundo tempo para converter as súas ocasións. Cun once totalmente renovado, notouse a diferenza física sobre o terreo de xogo de Cantarrana. Moi pronto, Parga igualou o partido ao empuxar un balón en boca de gol. Pouco despois, Jorge puxo aos branquivermellos por diante e Álex Rey, cerca do final, culminou a remontada.
