O francés Mathieu Peybernes, central do CD Lugo, abriu a porta a quedar no conxunto galego, no que milita cedido pola UD Almería. O defensa explica nunha entrevista que publicou o club na súa web que contempla a opción de pertencer "ao club xa non só como cedido".
Peybernes pertence ao Almería, que o incorporou o pasado verán, pero, tras o cambio de dono, prescindiu del e cedeullo ao Lugo. "Á semana de asinar polo Almería fóronse todos pola venda do club aos novos donos e non nos querían a ningunha das fichaxes", precisa o francés.
Recoñece que naqueles días "chamárono moitos clubs porque coñecían" a súa situación e decantouse polo Lugo porque foi o primeiro en chamalo e porque o seu presidente, Tino Saqués, mostroulle moito interese".
Respecto da situación actual, coa actividade paralizada polo Covid-19, admite que o confinamento e os adestramentos caseiros resúltanlle "moi duros e a primeira semana" levouno "moi mal".