O xogador do Montakit Fuenlabrada Álex Llorca aproveitou a súa viaxe ata Lugo –enfrontouse o seu equipo cos Cafés Candelas Breogán na liga ACB– para realizar un adestramento con nenos nacidos entre os anos 2001 e 2011 da Asociación Xuvenil Sagrado Corazón.
Llorca, que o próximo verán, do 8 ao 14 de xullo, dirixirá o campus que dá o seu nome, realizou dúas quendas de adestramentos no pavillón anexo ao Pazo dos Deportes de Lugo. O ex-xogador do Breogán dirixiu un adestramento ás 18.30 horas para os pequenos da categoría de minibásket e outro, a partir das 19.45 e ata as 21.00, para o resto dos mozos xogadores lucenses.