A nómina de xogadores galegos crece no Pescados Rubén Burela FS coa flamante incorporación de Diego Quintela, un dos mellores xogadores que deu a comunidade nos últimos anos.
O arzúano incorporarase ao proxecto laranxa con 29 anos, procedente da Palma Futsal, onde xogou as tres últimas tempadas, logo de xogar na campaña 2016-17 no FC Barcelona e de formarse no Santiago Futsal, club que lle serviu para debutar na máxima categoría.
Quintela asina por dúas tempadas coa escuadra mariñá, segundo informou oficialmente o Pescados Rubén FS, aínda que este diario anunciara xa este reforzo hai semanas.
Coa presenza de Quintela son xa sete os xogadores galegos que teñen xa confirmada a súa presenza no persoal burelense, xunto a Edu, Loito, Álex Diz, Iago Míguez, Renato e Pitero, aínda que nos próximos días se oficiliazará tamén a chegada de David Pazos.