O pai de Laura Aliaga critica o protocolo covid da federación

Os dous novos positivos anunciados polo Spar Xirona, equipo de Liga feminina Endesa, e que se suman aos dous xa comunicados o pasado martes, día do partido ante o Durán Maquinaria Ensino provocaron a indignación na contorna do club lucense. O pai de Laura Aliaga, o avogado Juan Manuel Aliaga, elevou unha queixa pública a través de Twitter na que pon en dúbida o protocolo covid seguido pola FEB en relación ao equipo catalán.

"Estas dúas baixas súmanse ás dous anteriores, dous positivos que foron comunicados ao Ensino o mesmo día 4, ao aterrar. ¿As probas foron co período de antelación esixido polo protocolo da FEB? Se foi así, ¿por que se comunicaron o mesmo día do partido? ¿Quen permite que as dúas americanas non vacinadas disputen o partido? ¿Fíxose o resto do persoal unha PCR?", escribiu o pai da xogadora do Ensino, que asegurou que o encontro ante o Xirona "non se debería xogar baixo&ningún nbsp;concepto".

Juan Manuel Aliaga pide que a Federación abra unha investigación "de inmediato"

No fío, ademais, Juan Manuel Aliaga pregunta á federación por posibles positivos que durante estes días puidesen xurdir no Ensino. "Se agora aparecen casos no Ensino, que foi escrupuloso e implacable, ¿quen se vai a facer responsable de, por intereses deportivos ou espúreos, pór en perigo a saúde das súas xogadoras e familiares?". O pai de Aliaga pediu a apertura dunha investigación "de inmediato" e que a FEB "comece a dar por perdido o partido a quen puxeron en perigo a saúde das xogadoras do Ensino".

Fontes consultadas da Federación Española de Baloncesto aseguran que o comportamento do Spar Xirona foi adecuado co protocolo que marca o organismo, e que dous positivos non implica un brote no equipo e xa que logo non implicaría a suspensión do partido. Coa aparición de dous positivos máis, si se considera brote, e de aí o adiamento dos dous próximos duelos do equipo catalán.