Deporte Local Lugo
En Burgos dan por hecho el fichaje de Paco Olmos
Deporte Local Lugo
San Pablo Burgos hace una importante oferta al entrenador del Río Breogán
Deporte Local Lugo
Ningún xogador de Beobasket deixará o Breogán
O CB Breogán e Paco Olmos rescinden este luns o contrato entre as dúas partes e o técnico valenciano asinará de inmediato co San Pablo Burgos. O equipo castelán consegue por fin o seu desexo de contar no seu banco con Olmos unha vez que acaba de despedir o seu segundo adestrador no que vai de tempada, Salva Maldonado.
O Río Breogán confirmou a noticia a través das redes sociais ao redor das once e media da noite deste domingo: "O técnico comunicou nas últimas horas a súa decisión de deixar a entidade". Así as cousas, emprazou a unha rolda de prensa este luns.
Paco Olmos despídese do Río Breogán. O técnico comunicou a últimas horas de hoxe domingo a súa decisión de deixar a entidade.
— Río Breogán (@CBBreogan) January 9, 2022
O club convocará unha rolda de prensa ao longo deste luns.#ForzaBreo pic.twitter.com/0kQQxTw8HQ
O equipo lucense, que busca xa novo adestrador —difumínanse os dous nomes que apareceron recentemente nas redes como posibles substitutos do valenciano—, recibirá como indemnización por parte do San Pablo Burgos o diñeiro que quedaba por pagar a Paco Olmos ata o final da actual tempada.
En palabras do seu axente, Moisés Cohen, en relación ao salario que lle ofrece Burgos, "non falamos de triplicar o que cobra en Lugo, falamos de moito máis".
O club lucense recibirá como indemnización o soldo do adestrador ata xuño
En Burgos xa daban por segura unhas horas antes a chegada de Paco Olmos ao banco do Hereda San Pablo, actualmente penúltimo clasificado da liga Endesa. Segundo informaba este domingo o Diario de Burgos, o acordo entre ambas as partes é total e o adestrador podería tomar as rendas do equipo burgalés a próxima semana. Á marxe desa información, Olmos dirixiu con normalidade o adestramento do equipo celeste na mañá deste domingo.
Hai algo máis dun mes xa houbo un primeiro achegamento entre Olmos e o San Pablo, pero entón non se concretou, e o club de Burgos fichou a Salva Maldonado, que non conseguiu endereitar a traxectoria do equipo.
