Paco Olmos está no punto de mira da directiva do Río Breogán para dirixir aos celestes a próxima tempada. O club lucense, que anunciou este martes que Diego Epifanio non continuaría no banco no regreso á ACB, baralla varios nomes para substituílo, entre os que se atopa o do adestrador valenciano.
Olmos leva varios anos facendo as américas, primeiro en Porto Rico e despois en strong <>México. De feito, no país azteca coincidiu co asistente breoganista Javi Muñoz.
En España é recordado pola súa etapa na Valencia, onde gañou unha copa Uleb e chegou a xogar a final da ACB. Tamén dirixiu a outros equipos como o Melilla e a Menorca.
O valenciano, iso si, non é a única opción para o banco celeste, xa que son varias as alternativas que manexa a directiva para liderar desde o banco o novo proxecto lucense en ACB.