Pedro Ortigueira (Citroen C2) converteuse no primeiro líder do VII Rallye Comarca da Ulloa logo da disputa do tramo espectáculo deste venres no polígono industrial de Monterroso.
Ortigueira cubriu os 1,3 quilómetros de percorrido en 1.15.925 minutos, mentres que a segunda posición conseguiuna Ricardo Sousa (Mitsubishi Lancer Evo X), con 1.17.105. Terceiro foi o lucense Adrián Díaz (Mitsubishi Lancer Evo X), con 1.18.232, seguido por Celestino Iglesias Cores (Ford Festa), con 1.20.274, e por Víctor Senra (Citroen C2), con 1.21.519.
Pero o prato forte da competición chegará ao longo do día deste sábado coa disputa dos oito tramos que restan.
Os tramos deste sábado |
|
Monterroso | 8.38 horas |
Melide | 9.51 horas |
Monterroso | 11.44 horas |
Melide | 12.57 horas |
Coence | 16.48 horas |
Castelo de Pambre | 17.21 horas |
Coence | 19.39 horas |
Castelo de Pambre | 20.12 horas |