Sábado. 22.09.2018 |
El tiempo
Sábado. 22.09.2018
El tiempo

O World Padel toma o D10

O lucense Pablo Valín. VITORIA RODRÍGUEZ
O lucense Pablo Valín. VITORIA RODRÍGUEZ

O Open Lugo do torneo mundial máis prestixioso comezou cos seus primeiros partidos, nos que caeu o lucense Pablo Valín

As pas e as bólas botan fume en Lugo. Os xogadores xa se axustaron as zapatillas, subíronse os calcetíns e colocáronse os uniformes nunha das citas máis importantes do ano na cidade amurallada. O Lugo Open que deu comezo este domingo é a oitava proba do calendario máis prestixioso do mundo de pádel: o World Padel Tour, no que os mellores xogadores deste deporte competirán ata este domingo.

O espazo onde se desenvolverá o torneo será o Centro Deportivo D10 e o Pazo dos Deportes de Lugo. No primeiro —onde haberá partidos ata o venres e poderase acceder de forma gratuíta— xa comezou o torneo, coa disputa o domingo da preprevia, mentres que será o mércores cando os principais xogadores se trasladen ás dúas pistas instaladas no Pazo.

O domingo xogáronse os partidos da preprevia no Centro D10. Nesta rolda inicial, o lucense Pablo Valín, quen xogaba xunto a Javier de Paiz, dixo adeus prematuramente ao torneo tras perder, en dous sets, ante a parella formada por Víctor Sánchez e David Gutiérrez por 6-2 e 6-4. Deste xeito, Valín non logrou acceder á seguinte rolda, como era o seu principal obxectivo.

A xornada deste luns, que se disputará por completo no D10, comeza coa categoría masculina na segunda rolda pola mañá, a partir das 9.30 horas coa disputa dos encontros entre Sergio Alba-Francisco Manuel Gil fronte a Antonio Manuel Vázquez-Monjardín e Manuel Prado Prego; o duelo entre Miguel González García -José Carlos Gaspar contra Claudio LanzingerÁlvaro Meléndez; o Jesús Espello-Mario do Castelo ante Fernando Aldao-Jorge Ramos; o Gonzalo Pérez Arbona-Ignacio Yohn contra Javier Martínez-Adrián Branco; o Borja López-Maxime Moreau fronte a Jesús Moya-Javier Valdés e o Ignacio Otero-Jorge Señorán ante Marc Quílez-Andrés Britos.

Para as 10.30 están programados o José David Sánchez-Denis Tomás ante Enrique Lagarejos-Ramiro Pereyra; o Antonio Fernández-Miguel Oliveira contra Antón Márquez e Javier García; o José María Mouliaa-Eduardo Alonso ante David García-Christian Ramos; os citados Víctor Sánchez-David Gutiérrez ante Vasco Pascoal-David Muñoz; Daniel Bressel-Adrián Rouco ante Javier Pérez-Adriá Mercadal e Lucas Silveira-Joao Pedro Flores ante Martín Andornino-Iván Aceituno.

Ás 11.30 horas están programados os duelos entre as parellas Pedro Vera-Fran Ramírez contra Nicolás Suescun-Jeremy Scatena;  Antonio Luque-Diego Rocha fronte a Adrián Coroa-Afonso Sánchez; Diego Gil-José Benavides fronte a Facundo Domínguez-Sergi Nogueras e Gonzalo Salias-Federico Chisotri ante Miguel Ángel Solbes-Jorge Ruiz.

Para a tarde quedarán os encontros da terceira rolda, que se iniciarán ás 17.30 horas. Na categoría feminina só celebrarase este luns (19.00 horas) un partido da rolda 1: o duelo Valerie Artiles-Verónica Almeida fronte a Eva Gayoso-Sandra Bellver. Para o martes, a partir das 9.30 horas e durante toda a mañá terá lugar a rolda 2.
 

O World Padel toma o D10
Comentarios