Chega unha nova tempada para o conxunto branquivermello e para os lucenses xa aparece ante si o primeiro reto da mesma, que ten que ver con romper, ao fin, esa estatística que marca que o Lugo leva seis tempadas consecutivas sen ser capaz de gañar no partido inaugural no campionato.
O Club Deportivo Lugo intentará cambiar ese rumbo este sábado a partir das 18.00 horas no duelo que lle vai a enfrontar co Estremadura no estadio Ángel Carro.
O conxunto que adestra Eloy Jiménez debuta no seu campo ante o equipo de Almendralejo, co que empatou nas dúas únicas ocasións en que se mediron en Segunda División, a tempada pasada (1-1 no Ángel Carro e 0-0 no Francisco da Hera). Este último, un duelo disputado no final da campaña pasada e cos dous equipos loitando por confirmar a permanencia na categoría, algo que finalmente conseguiron
Os xogadores branquivermellos empezar a campaña pasada nun partido ante o Málaga e no que rozaron precisamente a opción de facerse cos tres puntos, pero pero o Málaga deulle a volta ao marcador (1-2) nos últimos cinco minutos de partido e deixou aos lucenses co mel nos beizos e un sabor agridoce logo dun bo partido ante un equipo que acababa de descender desde a Primeira División.
Con esa derrota, os lucenses puxeron fin a unha serie de seis partidos (cinco empates consecutivos) sen perder nos inicios do campionato de Segunda División.
Así, igualaron co Reus (0-0, tempada 2017-18), o Nástic de Tarragona (2-2, 2016-17), o Real Oviedo (2-2, 2015-16), o Mirandés (0-0, 2014-15) e Numancia (0-0, 2013-14), e gañaron ao Hércules (1-0) na tempada 2012-13.
Precisamente a vitoria ante o conxunto alacantino ten un recordo especial porque se trata do partido que marcou o regreso do Club Deportivo Lugo á Segunda División tras máis de vinte anos fóra da categoría.
Ese triunfo ante os alacantinos cun tanto de penalti que transformou Manu é o único que conseguiron os branquivermellos nunha apertura de campionato na Segunda División en oito tempadas, as sete máis recentes e a 1992-93 (caeron 1-0 en Mérida).
Dáse a circunstancia de que o futbolista ourensán fora tamén o autor do penalti decisivo naquela quenda inesquecible ante o Cádiz que permitiu o equipo regresar á Segunda División. Agora tocará o sábado dalo todo para intentar que o comezo da campaña sexa o mellor posible e arrincar a primeira vitoria e facelo como locais.
