miércoles. 27.05.2020 |
El tiempo
miércoles. 27.05.2020
El tiempo

O Lugo fará unha segunda concentración en Guitiriz

O hotel lucense volverá acoller ao equipo que adestra Luís Milla tras a súa estancia do pasado xullo ao consideralo o adestrador "un sitio idóneo para traballar e asentar ao equipo"

O CD Lugo reservou o Hotel Balneario da localidade lucense de Guitiriz, onde xa estivo aloxado catro días en xullo, para facer unha segunda concentración de pretemporada.

O hotel lucense volverá acoller ao equipo que adestra Luís Milla do martes ao domingo da próxima semana.

O 23 de xullo, durante a primeira concentración do Lugo no Balneario, o preparador branquivermello xa anunciou a súa intención de regresar a esas mesmas instalacións.

"Voulle a pedir á dirección que dentro de dúas semanas volvamos xuntarnos outros tres días, porque este é un sitio idóneo para traballar e ter estes días en que os mozos poidan estar xuntos, convivir e asentar ao equipo", declarou entón o técnico, que buscaba "a harmonía do grupo, a tranquilidade no traballo".

Nesas mesmas instalacións, que contan cun balneario e un campo de golf, tamén se concentrou esta pretemporada o Deportivo da Coruña, da liga BBVA, entre o 6 e o 17 de xullo.

O Lugo fará unha segunda concentración en Guitiriz
comentarios