O Fluvial non falla

O equipo da capital imponse á Cidade de Lugo e anótase a quinta regata da Copa Diputación, celebrada na ría de Viveiro

A ría de Viveiro foi o escenario elixido para a disputa este domingo pola tarde da quinta regata da Copa Deputación de piragüismo, organizada polo club local. O Club Fluvial de Lugo partía como favorito para levar a vitoria final nesta regata e cumpriu cos prognósticos ao superar aos outros dous grandes pretendentes, a Cidade de Lugo e o Club Kaiak de Foz.

Na categoría sénior masculina k-1 5.000, Javier Illanes (Viveiro) proclamouse campión. En xuvenís venceu Alberto Rodríguez (Club Fluvial). En cadetes, Xullo González (Cidade de Lugo) marcou o mellor tempo. En infantís A, Xoel García Neira (Club Kaiak) foi o mellor clasificado. En infantís B, Francisco Louro (Club Kaiak) finalizou en primeira posición. En alevín A, Ignacio González (Cidade de Lugo) marcou o mellor tempo. En alevín B o mellor foi Iago Carreira (Fluvial). En benjamines, Iago García (Kaiak) foi o gañador. En veteranos, Alberto Pigueiras bateu ao seu irmán, Francisco, ambos do Club Viveiro.

En sénior feminina, Lorena Jubón (Cidade de Lugo) foi a primeira clasificada. En xuvenís, María Moar, do mesmo equipo, marcou o mellor tempo. En categoría cadete, Carmen Villar (Fluvial) terminou a regata na cabeza. En infantís A, Lucía Méndez Vila (Fluvial) non deixou escapar a primeira posición. En infantís B foi Paola García (Kaiak) a máis rápida. En alevíns, Enma Devesa (Cidade de Lugo) e María Fernández (Kaiak) foron primeiras na e en B. En benjamín, Marta Fernández (Kaiak) foi a primeira clasificada. En veteranas, Monserrat Paredes (Cidade de Lugo) foi a única participante.

Comentarios