O brasileiro Felipe dos Anjos de Paula Gama, de 2,18 metros e 20 anos, incorporarase aos adestramentos co Cafés Candelas Breogán, ao que chega cedido polo Real Madrid cun acordo temporal para participar na pretemporada do equipo lucense.
O xogador pasou o recoñecemento médico e traballará ás ordes de Natxo Lezkano desde esta mesma semana, segundo informou o Breogán nun comunicado.
Dos Anjos chegou á canteira do Real Madrid en 2012 e formou parte do equipo EBA. Foi MVP do Torneo de Hospitalet e destacou en importantes citas, como os torneos Adidas Next Generation ou Basketball Without Borders.
O interior xogou cedido en Oviedo Baloncesto de LEB Ouro (2016/17) e no San Pablo Burgos de Liga Endesa a pasada campaña.