O portugués Nuno Costa (Compostela) foi o primeiro gañador da I Carreira Correndo pola Vía Künig que se celebrou entre os concellos de Baralla e Castro de Castrillón, no Corgo. En mulleres a mellor foi María Jesús Conde Rodríguez (Lugo Running). A proba reuniu a 69 atletas e numerosos espectadores no seu percorrido de 18 quilómetros entre as dúas localidades.
Costa, que tamén resultou gañador da edición deste ano da Medio Maratón de Lugo El Progreso investiu en correr a distancia 1 hora, 10 minutos e 27 segundos.
O fondista luso foi moi superior aos seus rivais e mellorou en case dous minutos ao segundo clasificado, o corredor do Lugo Running Ivo Maseda, que marcou un crono na liña de meta de 1.12.21.
Na terceira posición chegou a Castro de Castrillón David Méndez Arias (XPortExpirience) cun tempo de 1.13.47.
En canto á clasificación feminina, a deportista do Lugo Running María Jesús Conde Rodríguez subiuse todo o máis alto do podio tras imporse no tramo final Silvia Díaz Bermúdez, do Egovarros Viveiro.
Conde logrou un tempo de 1.46.28 para superar a Díaz en apenas 18 segundos, xa que a medalla de prata parou o reloxo en 1.46.46.
Na terceira posición acabou a proba a atleta do MTC Lourés Begoña Gai Vázquez, quen fixo 1.47.12 nos 18 quilómetros da competición.