Antonio Perea e Paula Mayobre inscribiron o seu nome no palmarés de gañadores da III Carreira Nocturna Rinlo-Ribadeo, unha proba que reuniu a case 500 atletas nas súas rúas e que forma parte do circuíto Tour Mariña, co que colabora El Progreso.
Perea e Mayobre suceden, deste xeito, a Simón González e Ana Belén González Margaride, que se impuxeron na edición do pasado ano. Antonio Perea cruzou a liña de meta cun tempo de 29 minutos e 2 segundos, con 1 minuto e 4 segundos de diferenza sobre o segundo clasificado, Cristian Expósito, quen asinou un crono de 30.06. Na terceira posición chegou Delio Val, con 30.44, mentres Iker Pagola foi cuarto tras parar o reloxo en 31.32.
O dominio de Paula Mayobre en Ribadeo foi absoluto. A proba foi que cruzou a meta na quinta posición absoluta, cun tempo total de 31.45, con só 13 segundos máis que Pagola. A segunda muller en chegar foi Ana Belén González Margaride, quen acabou no posto 40 con 35.42, a case catro minutos dunha incrible Paula Mayobre. O bronce acabou no pescozo de
Paula Mayobre dominou a súa categoría con autoridade e acabou quinta absoluta
O resultado na categoría absoluta non altera a clasificación xeral do Tour Mariña, xa que segue dominada por Manuel Eiras, con 228,88 puntos. David Martínez é segundo con 231,65 e Euniciano Lopes é terceiro con 235,94. En mulleres, a primeira é González Margaride con 287,82, mentres que Carla Trillo é segunda con 388,29 e Ana Vallines é terceira con 469,56.
CATEGORÍAS INFERIORES
En canto ás categorías inferiores, Marta Ceñal gañou en prebenxamíns, con Samuel Pérez Edrosa segundo e primeiro en masculino. En benxamíns impúxose Rebeca Perea, con Leandro Lopes como o mellor neno de entre os que tomaron a saída. En alevíns venceu Adrián Pérez e Paula Conde foi a mellor muller.
En infantil masculino gañou Jarno Pousada e en mulleres impúxose Iria Otero.
