Lezkano: "Están a levarnos ao seu terreo"

Natxo Lezkano non buscou escusas á derrota do seu equipo e recoñeceu que a Palma fora superior: "Quero dar o parabén ao Palma, que fixo un gran partido, dentro do que foi este partido, que non é que sexa un partidazo, pero estiveron mellor que nós. Xogar con este ambiente axudoulles, estiveron metidos no partido en todo momento e hai que felicitalos", explicou o preparador celeste.

Analizando o encontro, o técnico do equipo lucense comentou que foi un partido "moi trabado desde o inicio". "Están a levarnos completamente ao seu terreo, onde eles están máis cómodos que nós, aínda que tampouco sexa o tipo de xogo que están a desenvolver durante a tempada. Están a adaptarse mellor que nós ao que é a eliminatoria", indicou Lezkano.

"Nós xogamos con moito medo. Fallamos non sei dicir cantas bandexas e tiros debaixo do aro. A porcentaxe que temos é ridículo, cun 24% en tiros de dous é imposible gañar ningún partido. Se fallas todo debaixo do aro hai pouco que facer".

Lezkano asegurou que o partido deste domingo será "unha final": "Xogámonos toda a tempada, é o todo ou nada. eles van xogar menos presionados, aínda que creo que serán conscientes de que se a eliminatoria volve a Lugo alí terano mais difícil, polo que creo que os dous equipos imos xogar cun nivel de tensión importante", concluíu.