O mundo do automobilismo lucense e galego está de loito co falecemento este mércores de Carlos Íñiguez, que morreu aos 73 anos de idade. Carlos Íñiguez foi un dos fundadores da Escuadra Miño e durante moitos anos exerceu a presidencia do mesmo.
Carlos Íñiguez é unha figura moi recoñecida no mundo do automobilismo lucense, e é que se lle pode considerar como o alma máter do Rallye San Froilán, unha proba que comezou no xa afastado ano de 1978 e que supuxo un escaparate perfecto para unha chea de novos pilotos ao darlles a oportunidade de darse a coñecer, ademais de promocionar este deporte nunha provincia que conta cun bo número de probas automobilísticas.
Íñiguez, nacido en 1948, foi un dos encargados de pór en marcha a Escuadra Miño no ano 1969, unha institución moi coñecida en toda Galicia e que tamén é recoñecida a nivel nacional.