David Domínguez e Manuela Torres foron os vencedores da sétima edición do Terremoto Trail de Triacastela que reuniu este domingo a algo máis 150 participantes nas diferentes modalidades. A competición contou cunha proba de trail de 29 quilómetros con 1.400 metros de desnivel e unha proba mini cun percorrido de 16 quilómetros e un desnivel de 650 metros. Finalmente, tamén se celebrou unha andaina popular de doce quilómetros e que non era competitiva.
No trail na categoría sénior masculina, a vitoria correspondeu a David Domínguez mentres que a segunda praza foi para Pablo Conde e Rubén Bobillo acabou na terceira posición. Mentres, na competición sénior feminina, o triunfo foi para Aisa Rodríguez Rivera, con Mónica Rodríguez Rivera na segunda posición e Mar Arias, que completou os postos do podio.
Na categoría de veteranos masculina, o triunfo foi para José López, seguido por Roberto González e Leandro González, en tanto que en veteranos feminina a gañadora foi Manuela Torres.
Por outra banda, na competición de mini, a vitoria na categoría sénior masculina foi para Manuel Quintairos, por diante de Abraham Torre e Fernando Campo; mentres na categoría feminina gañou Idoia Agulleiro, seguida de Raquel Doiro e Miriam Gómez. Dentro dos veteranos, Francisco José Noz venceu por diante de Pablo Feijóo e Jose Antonio Orozco; en tanto que Pili González fixo o propio por diante de Azucena Seijas e María Jesús Río.
Hai que recordar que nesta edición non levou finalmente a cabo unha proba de maratón de 42 quilómetros e cun desnivel de 2.300 metros. A organización da proba decidiu que debido á baixa inscrición non se levase a cabo e todos os participantes foron competir ao trail e o mini trail dun evento que resultou unha vez máis un espectáculo a través das montañas do Oribio.
