O Club Deportivo Lugo regresará o domingo (21.00 horas) ao estadio Ramón de Carranza para vivir un novo duelo ante o Cádiz, un duelo sempre especial para o club branquivermello e, en xeral, uns encontros sempre curiosos. Tanto para un como para o outro equipo sempre lle saíron máis rendible a nivel de resultados os que xogaron a domicilio.
A última derrota do conxunto branquivermello no estadio cadista seguramente foi as máis doces da historia e é que non hai que esquecer que coincide co partido en que o Lugo se fixo co ascenso a Segunda División no xa afastado ano 2012. Naquela ocasión, o Lugo perde por 3-1 na volta da eliminatoria definitiva. Todo se resolveu de forma favorable desde o punto de penalti.
Desde ese momento, o Lugo visitou en tres ocasións o Ramón de Carranza, sempre sen derrota. É máis, os encontros terminaron con idéntico resultado: empate a un gol. Para os lucenses sempre significou unha visita de esixencia a de Cádiz, pero en todas elas saíu cun punto e, nalgunhas ocasións, incluso con mellores sensacións que o seu rival.
O Lugo acode con todo o ánimo a medirse cun Cádiz cuns números espectaculares
O primeiro duelo chegou na tempada 2016-17. Naquela ocasión, o autor do gol para os branquivermellos foi Djaló, mentres que para o Cádiz marcou Ortuño. Unha tempada máis tarde, os branquivermellos tamén foron capaces de empatar nun duelo no que marcou o local Eugeni e, posteriomente, Cristian Herrera foi capaz de nivelar o duelo. A tempada pasada, o Lugo adiantouse cun gol de Manu Barreiro e o dianteiro Manu Vallejo foi quen evitou a vitoria dos branquivermellos.
Agora, o Lugo acode con todo o ánimo a medirse cun Cádiz cuns números espectaculares. O cadro andaluz é
O CÁDIZ EN LUGO. Que ao Lugo se lle deu mellor xogar como visitante ante o Cádiz que como local non é un segredo. Por contra, cada vez que os gaditanos visitan o Ángel Carro as cousas fóronlles realmente ben.
No caso do seu actual adestrador, Álvaro Cervera, hai que recordar que nas dúas últimas campaña o Cádiz viaxou a Lugo nun momento delicado, incluso o técnico xogábase o posto. Curiosamente, os gaditanos gañaron por 1-2 na campaña 2018-19; e por 0-1 nas tempadas 2017-18 e 2016-17. O propio adestrador recoñeceu, na rolda de prensa previa do ano pasado, que Lugo sempre adoitaba ser un punto de inflexión, e volveu ocorrer. Os gaditanos foron cara arriba tras imporse no Ángel Carro. Agora, é o Lugo a quen lle toca seguir con esa tradición do visitante que fai moito dano.
