O deputado de Deportes, Pablo Rivera Capón, informou de que o goberno provincial aprobou este venres premios por valor de 105.000 euros pola "súa excelencia deportiva" ao Club Voleibol Emevé, o Ensino C.B, o C.B Breogán e o piragüista Cristian Touro.
Son 25.000 euros para o Club Voleibol Emevé polo ascenso á Superliga, 25.000 euros para o Ensino Club de Baloncesto polo ascenso á liga Dia, 50.000 euros para o Club Baloncesto Breogán polo seu ascenso á ACB e 5.000 para Cristian Touro, por ser o único medallista olímpico da provincia en activo.
"Facémolo porque, ademais de ser deportistas dun altísimo nivel, son os mellores embaixadores que a provincia pode ter. Todos os lucenses estamos orgullosos de que estes profesionais leven o nome de Lugo e da nosa provincia por todo o territorio nacional e estranxeiro", precisou Rivera