Luís Coira, exgaleno do CD Lugo, será o xefe dos servizos médicos do CB Breogán no seu novo proxecto en LEB Ouro. O facultativo ten ampla experiencia na medicina deportiva e será o enlace co Hospital Polusa, centro co que traballa o club.
Irmán do director de cine Jorge Coira, o novo responsable dos servizos médicos do Breogán encargarase do día a día da saúde do equipo.
"Coira conta cunha ampla experiencia ao coidado de deportistas profesionais e exerceu de Xefe dops Servizos Médicos do CD Lugo durante varias tempadas, ademais de participar na organización de diversas probas deportivas nacionais e internacionais", explica o club sobre Coira, que deixou o CD Lugo en 2015 tras a chegada de Tino Saqués.