Luis César e o Lugo confirmaron o devandito de que segundas partes nunca foron boas e este luns separaron os seus camiños e medio despois.
A relación ía para longo xa que o técnico substituíu a Mehdi Nafti en marzo cun ano e medio de contrato, pero os resultados acurtaron esa previsión á mínima expresión.
A paciencia duroulle ao presidente, Tino Saqués, un triturador de bancos, oito xornadas. Esta vez, a serie negativa do Lugo non deixa lugar a dúbidas. Luis César perdeu o colchón de puntos sobre o descenso e deixa ao equipo neses postos a falta de sete encontros.
A dinámica xa era mala antes da súa chegada. O Lugo vivía, tal e como manifestou o propio presidente na súa presentación, da serie inicial que asinara o seu antecesor, Mehdi Nafti.
Co franco-tunisiano eran cinco as xornadas sen gañar. Con Luis César, o refacho e a caída libre do conxunto lucense disparouse a trece partidos consecutivos sen imporse.
Logo de asinar a mellor clasificación do Lugo na súa primeira etapa no banco (tempada 2016/17), na segunda contribuíu a dous rexistros negativos: un compartido (a peor serie sen gañar do equipo en Segunda División) e outro propio (a primeira vez que enlaza máis de tres derrotas).
O arousán vaise con tres puntos de vinte e catro posibles e un balance de tres goles a favor e once en contra.
Desde a vitoria do pasado 23 de xaneiro ante o Tenerife no Anxo
Gañáronlle o Leganés, Oviedo, Almería, Sabadell, As Palmas, Málaga, Mallorca e Alcorcón e só puntuou ante o Espanyol, Logroñés, Fuenlabrada, Xirona e Castelló.
Por primeira vez terá catro adestradores nunha mesma tempada no fútbol profesional. De novo confía nun cambio no banco para resucitar a un equipo que se afixo ás salvacións de última hora.