O Lugo xogará hoxe –19.00 horas– o seu segundo partido de preparación para a tempada 2021-2022, cun Derbi dos Ancares ante a Ponferradina, rival forte que callou unha gran campaña o pasado curso e que se está reforzando con moitas vimbias de face á tempada vindeira.
O encontro, que nun principio se ía a disputar no estadio da Magdalena, en Vilalba, emprazamento habitual nas pretemporadas dos albivermellos, pasa a xogarse en Ponferrada. Será nun campo de adestramento próximo ao Toralín, a porta pechada, segundo o Lugo por razóns "alleas a ambos os clubs".
O equipo chega logo de estrear a súa pretemporada contra o Burgos nun partido que acabou en táboas e sen goles, no que Albés rotou e probou ao persoal. Ante os burgaleses destacou en defensa, pero estivo dubitativo con balón, sobre todo en campo propio. No encontro déuselle protagonismo a xogadores como Vesprini, que volve da súa cesión no Compostela, e a Alberto, que está a proba. Ambos xogaron os 90 minutos. Destacou o desempeño de Mayoral, sendo un dos máis perigosos no ataque.
En canto ao persoal, será complicado que estean en Ponferrada Juan Antonio Ros, Gerard Valentín e Orest Lebedenko, ambos os ausentes xa en Astorga no primeiro amigable. Pola contra, Chris Ramos pode contar xa con minutos logo de pecharse a súa volta a Lugo o pasado sábado.
Pola súa banda, la Ponferradina chega sen rodaxe despois de que se suspendese o seu primeiro amigable ante o Valladolid. Os de Ponferrada chegan a esta pretemporada con moitas caras novas despois do desfile de saídas e incorporacións. Chegaron ao club Copete, Pujol, Naranjo, Loito García, Medina, Abedzadeh, Dani Ojeda e Espiau.
Diego Alende. O canteirán do Celta, Diego Alende, que milita no Valladolid, co que ten un ano de contrato, está moi preto de regresar a Lugo, onde xa xogou en calidade de cedido a tempada pasada.
O xogador santiagués de 23 anos viría reforzar a defensa, posición case deserta a menos dun mes do inicio da competición. Alende xa estivo nas bancadas da Eragudina de Astorga apoiando ás súas excompañeros.