O CD Lugo invitou ao partido deste sábado co Albacete Balompé a 28 refuxiados sirios do programa de protección internacional da ONG Diaconía.
O club galego explica nun comunicado que as familias sirias, con nenos en idade escolar entre os seus membros, vivirán no Ángel Carro unha das súas primeiras experiencias na cidade.
Os 28 refuxiados proceden de asentamentos de Xordania e Diaconía dálles cobertura ás súas primeiras necesidades, desde vivenda e manutención ata favorecer a formación ocupacional e a inserción sociolaboral.
