O Lugo anunciou este domingo a volta de Orest Lebedenko, Sebas Moyano e o arxentino Matías Vesprini tras concluír as súas respectivas cesións.
Vesprini regresará ao Lugo logo de xogar a tempada pasada a préstamo no Compostela, de Segunda B, co que disputou 7 partidos, 6 como titular.
Tamén na categoría de bronce xogou o curso pasado o centrocampista ofensivo Sebas Moyano, no seu caso cedido ao Ebro, no que disputou 23 partidos, 13 como parte do once, e marcou tres goles.
Lebedenko, internacional nas categorías inferiores de Ucraína, foi cedido no mercado invernal da tempada 2020/21 ao Olimpik Donetsk, do que agora volve tras un ano e medio a préstamo.
