O lucense Diego Ríos Gayoso foi elixido mellor adestrador da tempada 2020-2021 tras unha votación realizada polos capitáns e demais técnicos da primeira división española de fútbol sala. Este titulo recompensa a gran tempada realizada co Levante onde o levou a pelexar pola liga.
Tras pasar polo Azkar Lugo e O Parrulo Ferrol–conxunto ao que ascendeu á división de honra de fútbol sala– o novo preparador chegou á UD Levante FS fai un par de tempadas. Durante estes dous anos que leva no banco blaugrana, Diego Ríos logrou os mellores resultados na historia do club valenciano cun sétimo posto na campaña 2019-2020 e un doloroso subcampeonato na 2020-2021, pois escapóuselles o título nos penaltis. Aínda que, como premio de consolación obtiveron unha histórica clasificación para a UEFA Champions Futsal ao quedar segundos.
🏆🔝 ¡𝗧𝗿𝗼𝗳𝗲𝗼 '@LaLigaSportsTV al 𝗠𝗲𝗷𝗼𝗿 𝗘𝗻𝘁𝗿𝗲𝗻𝗮𝗱𝗼𝗿 de Primera División' de la Temporada 2020/21!
🗳 Los entrenadores y capitanes de la LNFS eligen a...
🌟 @DiegoRiosGayoso - @LUDfutbolsala#LNFS #LigaFutsalProfesional pic.twitter.com/gNvUNRVf7i— LNFS (@LNFS) July 30, 2021
Todo isto demostra que Diego Ríos é un adestrador cun futuro prometedor pero xa de moito presente.