Longas colas na Coruña para ver ao Breogán

Os afeccionados que viaxaron á Coruña para ver o partido entre o Leyma Coruña e o Cafés Candelas Breogán atopáronse con longas colas á entrada do Palacio de Deportes da capital herculina. A razón? As portas e os despachos de billetes abríronse con atraso antes do partido, o que provocou que os seguidores do equipo lucense tivesen que esperar nos arredores do recinto.

Cando estaba a finalizar o primeiro cuarto do encontro, aínda había afeccionados que estaban a entrar á bancada para ver o partido. A diferenza da tempada pasada, antes do duelo non se escoitou o himno galego na cancha.