As sociedades de pescadores, listas para a tempada

pescaChairaCHA1103P2F1-001.JPG
photo_camera pescaChairaCHA1103P2F1-001.JPG

A riqueza fluvial de Terra Chá, Meira e As Pontes outorga aos veciños e visitantes unha variada oferta de lecer, permitindo non só o baño e os paseos a beiras dos seus ríos, senón tamén a práctica da pesca, unha actividade estendida que conserva o tirón, pese ao paso dos anos, e a escasos días de que comece -este domingo 16- unha nova tempada.

Actualmente son seis as entidades que manteñen viva a esencia desta actividade dentro e fóra da comarca: a sociedade deportiva e cultural Amigos do Miño, de Castro de Rei; a sociedade de pescadores Amigos do Río Parga, de Guitiriz; a Asociación Deportiva de Pescadores Vilalbeses; a sociedade de pescadores Río Ladra, de Begonte; o club deportivo Rodeo, de Ribeira de Piquín, e a sociedade de caza e pesca A Venatoria, das Pontes.

Durante as últimas semanas, a gran maioría destas agrupacións estiveron ultimando os detalles para o inicio da campaña, con tarefas de limpeza e retirada de árbores mortas -que se seguirán desenvolvendo durante os próximos meses-, así como de material sólido que entorpeza ou obstruya as pontes e canles que, nestes días, encheranse de novo de apaixonados pescadores.

Os Amigos do Río Parga e os do Río Miño solicitan a xestión do seu propio coto
As outras catro sociedades xa contan, desde hai tempo, con este privilexio

A sociedade de pescadores Amigos do Río Parga, de Guitiriz, entregará esta mesma semana -previsiblemente o venres- a Medio Ambiente o seu proxecto de creación dun coto, que contará cunha superficie total duns dez quilómetros.

O presidente da entidade, Fernando Prieto, explicou que a intención é ampliar o antigo coto do Parga, sumando un novo tramo na canle do río Román. Ademais, o proxecto inclúe tamén a creación dunha zona de pesca sen morte, entre o Centro de Iniciativas Turísticas (CIT) e o Muíño de Parga.

Na mesma loita atópase a sociedade Amigos do Miño, de Castro de Rei, que pretende conseguir proximamente a xestión do 75% dos permisos do coto Terrachá.

Consiga AQUÍ a información completa

Comentarios