Doce tempadas en LEB Ouro, entre as que se inclúen dous ascensos de categoría co Murcia (2002-03) e o Cai (2009-10), outorgan a Edu Sánchez un gran coñecemento da categoría. Por iso a base do CB Breogán, valorando o exitoso refacho do seu equipo, móstrase ilusionado a l avez que cauto e realista con respecto ao futuro inmediato.
«Sete triunfos consecutivos son para valoralos de forma moi positiva. O refacho non pode ser mellor. Serviunos para chegar á oitava praza e estar en boa disposición para afrontar os cinco últimos encontros e con moitas opcións de xogar os play off», di o xogador murciano.
