A Federación Ucraína de Fútbol (FFU) informou, a través da súa páxina web, que o lateral esquerdo do Lugo, Vasyl Kravets, lesionouse durante unha sesión de traballo coa selección absoluta.
O carrilero "realizou un movemento brusco e lesionouse nun nervio da zona lumbar", segundo publicou a FFU. O período de baixa do xogador nacido en Lviv fai 21 anos é, tal e como indica a Federación ucraína, de "7-10 días".
"Segundo Arthur Glushchenko, médico xefe da selección nacional ucraína, o dano lumbar impedirá realizar calquera actividade física do xogador durante 7 ou 10 días. Kravets regresará ao seu club, onde se realizará a súa rehabilitación", determinou a FFU.
Kravets atopábase concentrado co combinado dirixido por Andriy Shevchenko, co que aínda non debutara.
HORARIO DO LUGO-SPÓRTING. O Lugo recibirá ao Spórting de Xixón o sábado 22 de decembro ás 13.00 horas, tal e como publicou a liga de Fútbol profesional. o duelo, correspondente á xornada 19, será o último que se xogue no ano 2018.
Deste xeito, os seguidores da Mareona poderán acudir á cidade amurallada a un duelo marcado polas boas relacións entre a afección lucense e xixonesa.
