Mindaugas Kacinas e Adam Sollazo foron presentados este mércores como xogadores do Leite Río Breogán e coincidiron nas ganas de comezar a tempada tras varios meses de parón. O equipo lucense estrearase na LEB 2020-21 o domingo (12.00) na pista do Oviedo.
Kacinas recoñeceu estar "ansioso" por saltar á pista no primeiro partido e, ao ser preguntado polos seus puntos fortes e habilidades dixo que "dalo todo é o mellor dos talentos".
Sollazzo destacou que "o club e todo o staff coida moito" dos xogadores, que só pensan en "saltar xa á pista".
