Tras recibir o seu galardón como xogador Qashqai da tempada e pousar co polo que lle acredita como gañador, o gardameta do conxunto lucense Juan Carlos realizou ante os medios un balance da pretempada e analizou como ve o inicio de Liga fronte ao Málaga.
O xogador do conxunto branquivermello indicou que os resultados da pretempada non teñen peso con respecto ao que se vai a ver na liga. "Realmente impórtame bastante pouco a pretempada, é para o que é, e o que hai que ter en conta é a partir do sábado, que é cando empeza o bo, o que realmente nos importa e para o que traballamos", asegurou Juan Carlos.
Ademais, resaltou que durante os amigables de preparación o máis importante é facer grupo e coñecer ás novas incorporacións do equipo. "A pretempada ao final serve para coller carga de traballo, tivemos moitas sesións de adestramento, moitos días dobre, e ao final a pretempada é para traballar, para coñecernos, e para chegar do mellor xeito posible ao importante, que empeza este sábado", afirmou.
Este sábado, o conxunto lucense arrinca a liga no Ángel Carro ante o Málaga, un conxunto que ten como obxectivo recuperar a categoría que perdeu o pasado ano. Juan Carlos destacou que o grupo chega en boas condicións a esta primeira xornada aínda que quedan detalles por puír. "Eu creo que chegamos ben, está claro que aínda temos que seguir traballando e puíndo certas cousas, pero son cousas que se fan durante o ano. Eu creo que o equipo está preparado para competir ao cento por cento", asegurou convencido o gardameta.
Situación profesional: Juan Carlos destacou que está moi contento na cidade e que nunca pensou en irse
"É un equipo que acaba de descender de categoría, que conserva bastantes xogadores do ano pasado, e supoño que un proxecto ambicioso cun dos orzamentos máis altos da categoría, o que che dá varias posibilidades, pero xa se sabe que en segunda co escudo non se lle gaña a ninguén. Eles seguro que van intentar levar os tres puntos igual que nós, e ao final os partidos hai que xogalos e hai que competir", engadiu Juan Carlos ao ser preguntado sobre o estado de forma do Málaga.
O gardameta do conxunto de Lugo gañouse o agarimo da afección lucense coas súas paradas e co seu incrible gol ante o Sporting de Gijón no Ángel Carro.
Esprint final antes do arranque
As entradas poderanse adquirir nos puntos de venda habituais e no despacho de billetes, que abrirá dúas horas antes do inicio do partido.