O xogador José Carlos Ramírez, central do CD Lugo, prognosticou que a primeira vitoria da tempada "chegará pronto" despois de que o equipo galego leve acumulados sete partidos oficiais sen gañar, os tres últimos do curso pasado e os catro primeiros do actual.
"O principio de Liga non foi moi malo, pero houbo erros puntuais condenáronnos un pouco. O equipo está a traballar para evitalos e seguro que chegará pronto a vitoria", comentou nunha conferencia de prensa.
O futbolista andaluz afirmou que se atopa "bastante ben, cómodo e a disposición do adestrador para o que necesite".
"Chegaron bastantes compañeiros para a defensa e, mentres a competencia sexa sa, a nivel individual faranos mellorar", dixo.
José Carlos explicou que o seu próximo rival, o Fuenlabrada, é "un equipo compacto que está a facer ben as cousas" e advertiu de que, "aínda que" sexa un recentemente ascendido, non hai que "darlle de lado porque é un equipo bastante bo".
