O defensa do Lugo Jon García estará entre seis e oito semanas de baixa pola escordadura de nocello que se produciu nun adestramento do equipo galego e que lle impediu competir ante o Mallorca (2-1).
O xogador vasco foi sometido a probas médicas nas que se lle diagnosticou unha escordadura de grao tres do ligamento lateral externo do seu nocello esquerdo.
O club galego explica no parte médico que o defensa necesitará dun período de entre seis e oito semanas para recuperarse.
Jon García chegou ao Lugo no verán procedente da canteira do Athletic de Bilbao e xogou un partido de Liga Adiante e dúas de Copa do Rei co conxunto galego.
